ciRupaNARRuppaTai

Ciṟupaṇāṟṟuppaṭai (269 lines)

((Originally extracted from master file ^10PATTU.OCP))
((Last updated on 2004 April 15th))

{ciṟu-1} maṇi malai paṇai tōḷ mā nilam maṭantai
{ciṟu-2} aṇi mulai tuyalvarūum āram pōla
{ciṟu-3} cel puṉal uḻanta cēy varal kāṉ yāṟṟu
{ciṟu-4} kol karai naṟum poḻil kuyil kuṭaintu utirtta
{ciṟu-5} putu pūm cemmal cūṭi puṭai neṟittu
{ciṟu-6} katuppu virittaṉṉa kāḻ aka nuṇaṅku aṟal
{ciṟu-7} ayil uruppaṉaiya āki aitu naṭantu
{ciṟu-8} veyil uruppuṟṟa ve paral kiḻippa
{ciṟu-9} vēṉil niṉṟa ve pata vaḻi nāḷ
{ciṟu-10} kālai ñāyiṟṟu katir kaṭāvuṟuppa
{ciṟu-11} pālai niṉṟa pālai neṭu vaḻi
{ciṟu-12} curaṉ mutal marāatta vari niḻal acaii
{ciṟu-13} aitu vīḻ iku peyal aḻaku koṇṭu aruḷi
{ciṟu-14} ney kaṉintu iruḷiya katuppiṉ katuppu eṉa
{ciṟu-15} maṇi vayiṉ kalāpam parappi pala uṭaṉ
{ciṟu-16} mayil mayil kuḷikkum cāyal cāay
{ciṟu-17} uyaṅku nāy nāviṉ nal eḻil acaii
{ciṟu-18} vayaṅku iḻai ulaṟiya aṭiyiṉ aṭi toṭarntu
{ciṟu-19} īrntu nilam tōyum irum piṭi taṭam kaiyiṉ
{ciṟu-20} cērntu uṭaṉ ceṟinta kuṟaṅkiṉ kuṟaṅku eṉa
{ciṟu-21} māl varai oḻukiya vāḻai vāḻai
{ciṟu-22} pū eṉa polinta ōti ōti
{ciṟu-23} naḷi ciṉai vēṅkai nāḷ malar nacci
{ciṟu-24} kaḷi curumpu araṟṟum cuṇaṅkiṉ cuṇaṅku pitirntu
{ciṟu-25} yāṇar kōṅkiṉ avir mukai eḷḷi
{ciṟu-26} pūṇ akattu oṭuṅkiya ve mulai mulai eṉa
{ciṟu-27} vaṇ kōḷ peṇṇai vaḷartta nuṅkiṉ
{ciṟu-28} iṉ cēṟu ikutarum eyiṟṟiṉ eyiṟu eṉa
{ciṟu-29} kullai am puṟavil kuvi mukai aviḻnta
{ciṟu-30} mullai cāṉṟa kaṟpiṉ mel iyal
{ciṟu-31} maṭam māṉ nōkkiṉ vāḷ nutal viṟaliyar
{ciṟu-32} naṭai melintu acaiiya nal mel cīṟu aṭi
{ciṟu-33} kallā iḷaiyar mella taivara
{ciṟu-34} poṉ vārntaṉṉa puri aṭaṅku narampiṉ
{ciṟu-35} iṉ kural cīṟu yāḻ iṭam vayiṉ taḻīi
{ciṟu-36} naivaḷam paḻuniya nayam teri pālai
{ciṟu-37} kai val pāṇmakaṉ kaṭaṉ aṟintu iyakka
{ciṟu-38} iyaṅkā vaiyattu vaḷḷiyōr nacaii
{ciṟu-39} tuṉi kūr evvamoṭu tuyar āṟṟuppaṭuppa
{ciṟu-40} muṉivu ikantu irunta mutu vāy iravala
{ciṟu-41} koḻu mīṉ kuṟaiya otuṅki vaḷ itaḻ
{ciṟu-42} kaḻunīr mēynta kaya vāy erumai
{ciṟu-43} paim kaṟi nivanta palaviṉ nīḻal
{ciṟu-44} mañcaḷ mel ilai mayir puṟam taivara
{ciṟu-45} viḷaiyā iḷam kaḷ nāṟa melkupu peyarā
{ciṟu-46} kuḷavi paḷḷi pāyal koḷḷum
{ciṟu-47} kuṭa pulam kāvalar marumāṉ oṉṉār
{ciṟu-48} vaṭa pulam imayattu vāṅku vil poṟitta
{ciṟu-49} eḻu uṟaḻ tiṇi tōḷ iyal tēr kuṭṭuvaṉ
{ciṟu-50} varu puṉal vāyil vañci um vaṟitu ē atu āaṉṟu
{ciṟu-51} naṟavu vāy uṟaikkum nāku mutir nuṇavattu
{ciṟu-52} aṟai vāy kuṟum tuṇi ayil uḷi poruta
{ciṟu-53} kai puṉai ceppam kaṭainta mārpiṉ
{ciṟu-54} cey pūm kaṇṇi cevi mutal tirutti
{ciṟu-55} nōṉ pakaṭṭu umaṇar oḻukaiyoṭu vanta
{ciṟu-56} makāar aṉṉa manti maṭavōr
{ciṟu-57} nakāar aṉṉa naḷi nīr muttam
{ciṟu-58} vāḷ vāy eruntiṉ vayiṟṟu akattu aṭakki
{ciṟu-59} tōḷ puṟam maṟaikkum nalkūr nucuppiṉ
{ciṟu-60} uḷar iyal aimpāl umaṭṭiyar īṉṟa
{ciṟu-61} kiḷar pūṇ putalvaroṭu kilukili āṭum
{ciṟu-62} tattu nīr varaippiṉ koṟkai kōmāṉ
{ciṟu-63} teṉ pulam kāvalar marumāṉ oṉṉār
{ciṟu-64} maṇ māṟu koṇṭa mālai veḷ kuṭai
{ciṟu-65} kaṇ ār kaṇṇi kaṭum tēr ceḻiyaṉ
{ciṟu-66} tamiḻ nilaipeṟṟa tāṅku aru marapiṉ
{ciṟu-67} makiḻ naṉai maṟukiṉ maturai um vaṟitu ē atu āaṉṟu
{ciṟu-68} naṟu nīr poykai aṭai karai nivanta
{ciṟu-69} tuṟu nīr kaṭampiṉ tuṇai ār kōtai
{ciṟu-70} ōvattu aṉṉa uṇ tuṟai maruṅkil
{ciṟu-71} kōvattu aṉṉa koṅku cērpu uṟaittaliṉ
{ciṟu-72} varu mulai aṉṉa vaṇ mukai uṭaintu
{ciṟu-73} tiru mukam aviḻnta teyvam tāmarai
{ciṟu-74} ācu il aṅkai arakku tōyntaṉṉa
{ciṟu-75} cē itaḻ potinta ce poṉ koṭṭai
{ciṟu-76} ēma iṉ tuṇai taḻīi iṟaku uḷarntu
{ciṟu-77} kāmaru tumpi kāmaram ceppum
{ciṟu-78} taṇ paṇai taḻīiya taḷarā irukkai
{ciṟu-79} kuṇa pulam kāvalar marumāṉ oṉṉār
{ciṟu-80} ōṅku eyil katavam urumu cuval coṟiyum
{ciṟu-81} tūṅku eyil eṟinta toṭi viḷaṅku taṭam kai
{ciṟu-82} nāṭā nal icai nal tēr cempiyaṉ
{ciṟu-83} ōṭā pūṭkai uṟantai um vaṟitu ē atu āaṉṟu
{ciṟu-84} vāṉam vāytta vaḷam malai kavāaṉ
{ciṟu-85} kāṉam maññaikku kaliṅkam nalkiya
{ciṟu-86} arum tiṟal aṇaṅkiṉ āviyar perumakaṉ
{ciṟu-87} perum kal nāṭaṉ pēkaṉ um curumpu uṇa
{ciṟu-88} naṟu vī uṟaikkum nāka neṭu vaḻi
{ciṟu-89} ciṟu vī mullaikku perum tēr nalkiya
{ciṟu-90} piṟaṅku veḷ aruvi vīḻum cāral
{ciṟu-91} paṟampiṉ kōmāṉ pāri um kaṟaṅku maṇi
{ciṟu-92} vāl uḷai puraviyoṭu vaiyakam maruḷa
{ciṟu-93} īra nal moḻi iravalarkku īnta
{ciṟu-94} aḻal tikaḻntu imaikkum añcuvaru neṭu vēl
{ciṟu-95} kaḻal toṭi taṭam kai kāri um niḻal tikaḻ
{ciṟu-96} nīlam nākam nalkiya kaliṅkam
{ciṟu-97} āl amar celvaṟku amarntaṉaṉ koṭutta
{ciṟu-98} cāvam tāṅkiya cāntu pular tiṇi tōḷ
{ciṟu-99} ārvam nal moḻi āy um māl varai
{ciṟu-100} kamaḻ pū cāral kaviṉiya nelli
{ciṟu-101} amiḻtu viḷai tīm kaṉi oḷavaikku īnta
{ciṟu-102} uravu ciṉam kaṉalum oḷi tikaḻ neṭu vēl
{ciṟu-103} aravam kaṭal tāṉai atikaṉ um karavātu
{ciṟu-104} naṭṭōr uvappa naṭai parikāram
{ciṟu-105} muṭṭātu koṭutta muṉai viḷaṅku taṭam kai
{ciṟu-106} tuḷi maḻai poḻiyum vaḷi tuñcu neṭum kōṭṭu
{ciṟu-107} naḷi malai nāṭaṉ naḷḷi um naḷi ciṉai
{ciṟu-108} naṟum pōtu kañaliya nāku mutir nākattu
{ciṟu-109} kuṟum poṟai nal nāṭu kōṭiyarkku īnta
{ciṟu-110} kāri kutirai kāriyoṭu malainta
{ciṟu-111} ōri kutirai ōri um eṉa āṅku
{ciṟu-112} eḻu camam kaṭanta eḻu uṟaḻ tiṇi tōḷ
{ciṟu-113} eḻuvar pūṇṭa īkai ce nukam
{ciṟu-114} viri kaṭal vēli viyal akam viḷaṅka
{ciṟu-115} oru tāṉ tāṅkiya uraṉ uṭai nōṉ tāḷ
{ciṟu-116} naṟu vī nākam um akil um āram um
{ciṟu-117} tuṟai āṭu makaḷirkku tōḷ puṇai ākiya
{ciṟu-118} poru puṉal tarūum pōkku aru marapiṉ
{ciṟu-119} tol mā ilaṅkai karuvoṭu peyariya
{ciṟu-120} nal mā ilaṅkai maṉṉar uḷ um
{ciṟu-121} maṟu iṉṟi viḷaṅkiya vaṭu il vāy vāḷ
{ciṟu-122} uṟu puli tuppiṉ ōviyar perumakaṉ
{ciṟu-123} kaḷiṟṟu taḻumpu irunta kaḻal tayaṅku tiruntu aṭi
{ciṟu-124} piṭi kaṇam citaṟum peyal maḻai taṭam kai
{ciṟu-125} pal iyam kōṭiyar puravalaṉ pēr icai
{ciṟu-126} nalliyakkōṭaṉai nayanta koḷkaiyoṭu
{ciṟu-127} tāṅku aru marapiṉ taṉ um tantai
{ciṟu-128} vāṉ poru neṭu varai vaḷaṉ um pāṭi
{ciṟu-129} muṉ nāḷ ceṉṟaṉam āka i nāḷ
{ciṟu-130} tiṟavā kaṇṇa cāy cevi kuruḷai
{ciṟu-131} kaṟavā pāl mulai kavartal nōṉātu
{ciṟu-132} puṉiṟṟu nāy kuraikkum pulleṉ aṭṭil
{ciṟu-133} kāḻ cōr mutu cuvar kaṇam cital aritta
{ciṟu-134} pūḻi pūtta puḻal kāḷāmpi
{ciṟu-135} olku paci uḻanta oṭuṅku nuṇ maruṅkul
{ciṟu-136} vaḷai kai kiṇai makaḷ vaḷ ukir kuṟaitta
{ciṟu-137} kuppai vēḷai uppu ili ventatai
{ciṟu-138} maṭavōr kāṭci nāṇi kaṭai aṭaittu
{ciṟu-139} irum pēr okkaloṭu oruṅku uṭaṉ micaiyum
{ciṟu-140} aḻi paci varuttam vīṭa poḻi kavuḷ
{ciṟu-141} taṟukaṇ pūṭkai tayaṅku maṇi maruṅkiṉ
{ciṟu-142} ciṟu kaṇ yāṉaiyoṭu perum tēr eyti
{ciṟu-143} yām avaṇ niṉṟu um varutum nīyir um
{ciṟu-144} ivaṇ nayantu irunta irum pēr okkal
{ciṟu-145} cemmal uḷḷamoṭu celkuvir āyiṉ
{ciṟu-146} alai nīr tāḻai aṉṉam pūppa um
{ciṟu-147} talai nāḷ cerunti tamaṉiyam maruṭṭa um
{ciṟu-148} kaṭum cūl muṇṭakam katir maṇi kaḻāala um
{ciṟu-149} neṭum kāl puṉṉai nittilam vaippa um
{ciṟu-150} kāṉal veḷ maṇal kaṭal ulāy nimirtara
{ciṟu-151} pāṭal cāṉṟa neytal neṭu vaḻi
{ciṟu-152} maṇi nīr vaippu matiloṭu peyariya
{ciṟu-153} paṉi nīr paṭuviṉ paṭṭiṉam paṭariṉ
{ciṟu-154} ōṅku nilai oṭṭakam tuyil maṭintaṉṉa
{ciṟu-155} vīṅku tirai koṇarnta virai mara viṟakiṉ
{ciṟu-156} karum pukai ce tī māṭṭi perum tōḷ
{ciṟu-157} mati ēkkaṟūm mācu aṟu tiru mukattu
{ciṟu-158} nuti vēl nōkkiṉ nuḷai makaḷ aritta
{ciṟu-159} paḻam paṭu tēṟal paratavar maṭuppa
{ciṟu-160} kiḷai malar paṭappai kiṭaṅkil kōmāṉ
{ciṟu-161} taḷai aviḻ teriyal takaiyōṉ pāṭi
{ciṟu-162} aṟal kuḻal pāṇi tūṅkiyavaroṭu
{ciṟu-163} vaṟal kuḻal cūṭṭiṉ vayiṉ vayiṉ peṟukuvir
{ciṟu-164} paim naṉai avarai pavaḻam kōppa um
{ciṟu-165} karu naṉai kāyā kaṇam mayil aviḻa um
{ciṟu-166} koḻum koṭi mucuṇṭai koṭṭam koḷḷa um
{ciṟu-167} ceḻum kulai kāntaḷ kai viral pūppa um
{ciṟu-168} kollai neṭu vaḻi kōpam ūra um
{ciṟu-169} mullai cāṉṟa mullai am puṟaviṉ
{ciṟu-170} viṭar kāl aruvi viyal malai mūḻki
{ciṟu-171} cuṭar kāl māṟiya cevvi nōkki
{ciṟu-172} tiṟal vēl nutiyiṉ pūtta kēṇi
{ciṟu-173} viṟal vēl veṉṟi vēlūr eytiṉ
{ciṟu-174} uṟu veyiṟku ulaiiya uruppu avir kurampai
{ciṟu-175} eyiṟṟiyar aṭṭa iṉ puḷi ve cōṟu
{ciṟu-176} tēmā mēṉi cil vaḷai āyamoṭu
{ciṟu-177} āmāṉ cūṭṭiṉ amaivara peṟukuvir
{ciṟu-178} naṟum pūm kōtai toṭutta nāḷ ciṉai
{ciṟu-179} kuṟum kāl kāñci kompar ēṟi
{ciṟu-180} nilai arum kuṭṭam nōkki neṭitu iruntu
{ciṟu-181} pulavu kayal eṭutta poṉ vāy maṇi ciral
{ciṟu-182} vaḷ ukir kiḻitta vaṭu āḻ pācu aṭai
{ciṟu-183} muḷ arai tāmarai mukiḻ viri nāḷ pōtu
{ciṟu-184} koṅku kavar nīlam ce kaṇ cēval
{ciṟu-185} mati cēr araviṉ māṉa tōṉṟum
{ciṟu-186} marutam cāṉṟa maruta taṇ paṇai
{ciṟu-187} antaṇar arukā arum kaṭi viyal nakar
{ciṟu-188} am taṇ kiṭaṅkiṉ avaṉ āmūr eytiṉ
{ciṟu-189} valam paṭa naṭakkum vali puṇar eruttiṉ
{ciṟu-190} uraṉ keḻu nōṉ pakaṭṭu uḻavar taṅkai
{ciṟu-191} piṭi kai aṉṉa piṉṉu vīḻ ciṟupuṟattu
{ciṟu-192} toṭi kai makaṭūu maka muṟai taṭuppa
{ciṟu-193} irum kāḻ ulakkai irumpu mukam tēytta
{ciṟu-194} avaippu māṇ arici amalai veḷ cōṟu
{ciṟu-195} kavai tāḷ alavaṉ kalavaiyoṭu peṟukuvir
{ciṟu-196} eri maṟintaṉṉa nāviṉ ilaṅku eyiṟṟu
{ciṟu-197} karu maṟi kātiṉ kavai aṭi pēymakaḷ
{ciṟu-198} niṇaṉ uṇṭu ciritta tōṟṟam pōla
{ciṟu-199} piṇaṉ ukaittu civanta pēr ukir paṇai tāḷ
{ciṟu-200} aṇṇal yāṉai aruvi tukaḷ avippa
{ciṟu-201} nīṟu aṭaṅku teruviṉ avaṉ cāṟu ayar mūtūr
{ciṟu-202} cēyttu um aṉṟu ciṟitu naṇiyatu ē
{ciṟu-203} porunarkku āyiṉum pulavarkku āyiṉum
{ciṟu-204} aru maṟai nāviṉ antaṇarkku āyiṉum
{ciṟu-205} kaṭavuḷ māl varai kaṇviṭuttaṉṉa
{ciṟu-206} aṭaiyā vāyil avaṉ arum kaṭai kuṟuki
{ciṟu-207} ceym naṉṟi aṟital um ciṟṟiṉam iṉmai um
{ciṟu-208} iṉ mukam uṭaimai um iṉiyaṉ ātal um
{ciṟu-209} ceṟintu viḷaṅku ciṟappiṉ aṟintōr ētta
{ciṟu-210} añciṉarkku aḷittal um ve ciṉam iṉmai um
{ciṟu-211} āṇ aṇi pukutal um aḻi paṭai tāṅkal um
{ciṟu-212} vāḷ mīkkūṟṟattu vayavar ētta
{ciṟu-213} karutiyatu muṭittal um kāmuṟappaṭutal um
{ciṟu-214} oru vaḻi paṭāmai um ōṭiyatu uṇartal um
{ciṟu-215} ari ēr uṇ kaṇ arivaiyar ētta
{ciṟu-216} aṟivu maṭam paṭutal um aṟivu naṉku uṭaimai um
{ciṟu-217} varicai aṟital um varaiyātu koṭuttal um
{ciṟu-218} paricil vāḻkkai paricilar ētta
{ciṟu-219} pal mīṉ naṭuvaṇ pāl mati pōla
{ciṟu-220} iṉ nakai āyamoṭu iruntōṉ kuṟuki
{ciṟu-221} paim kaṇ ūkam pāmpu piṭittaṉṉa
{ciṟu-222} am kōṭṭu ceṟinta aviḻntu vīṅku tivaviṉ
{ciṟu-223} maṇi niraittaṉṉa vaṉappiṉ vāy amaittu
{ciṟu-224} vayiṟu cērpu oḻukiya vakai amai akaḷattu
{ciṟu-225} kāṉam kumiḻiṉ kaṉi niṟam kaṭuppa
{ciṟu-226} pukaḻ viṉai polinta paccaiyoṭu tēm peytu
{ciṟu-227} amiḻtu potintu iliṟṟum aṭaṅku puri narampiṉ
{ciṟu-228} pāṭu tuṟai muṟṟiya payaṉ teri kēḷvi
{ciṟu-229} kūṭu koḷ iṉ iyam kural kural āka
{ciṟu-230} nūl neṟi marapiṉ paṇṇi āṉātu
{ciṟu-231} mutuvōrkku mukiḻtta kaiyiṉai eṉa um
{ciṟu-232} iḷaiyōrkku malarnta mārpiṉai eṉa um
{ciṟu-233} ērōrkku niḻaṉṟa kōliṉai eṉa um
{ciṟu-234} tērōrkku aḻaṉṟa vēliṉai eṉa um
{ciṟu-235} nī cila moḻiyā aḷavai mācu il
{ciṟu-236} kāmpu colittaṉṉa aṟuvai uṭīi
{ciṟu-237} pāmpu vekuṇṭaṉṉa tēṟal nalki
{ciṟu-238} kā eriyūṭṭiya kavar kaṇai tūṇi
{ciṟu-239} pū viri kaccai pukaḻōṉ taṉ muṉ
{ciṟu-240} paṉi varai mārpaṉ payanta nuṇ poruḷ
{ciṟu-241} paṉuvaliṉ vaḻāa pal vēṟu aṭicil
{ciṟu-242} vāḷ niṟam vicumpiṉ kōḷmīṉ cūḻnta
{ciṟu-243} iḷam katir ñāyiṟu eḷḷum tōṟṟattu
{ciṟu-244} viḷaṅku poṉ kalattil virumpuvaṉa pēṇi
{ciṟu-245} āṉā viruppiṉ tāṉ niṉṟu ūṭṭi
{ciṟu-246} tiṟal cāl veṉṟiyoṭu tevvu pulam akaṟṟi
{ciṟu-247} viṟal vēl maṉṉar maṉ eyil murukki
{ciṟu-248} nayavar pāṇar puṉkaṇ tīrtta piṉ
{ciṟu-249} vayavar tanta vāṉ kēḻ nitiyamoṭu
{ciṟu-250} paruva vāṉattu pāl katir parappi
{ciṟu-251} uruva vāṉ mati ūrkoṇṭāṅku
{ciṟu-252} kūr uḷi poruta vaṭu āḻ nōṉ kuṟaṭṭu
{ciṟu-253} āram cūḻnta ayil vāy nēmiyoṭu
{ciṟu-254} citar naṉai murukkiṉ cēṇ ōṅku neṭum ciṉai
{ciṟu-255} tatar piṇi aviḻnta tōṟṟam pōla
{ciṟu-256} uḷ arakku eṟinta urukkuṟu pōrvai
{ciṟu-257} karum toḻil viṉaiñar kaiviṉai muṟṟi
{ciṟu-258} ūrntu peyar peṟṟa eḻil naṭai pākaroṭu
{ciṟu-259} mā celavu oḻikkum mataṉ uṭai nōṉ tāḷ
{ciṟu-260} vāḷ mukam pāṇṭil valavaṉoṭu tarīi
{ciṟu-261} aṉṟu ē viṭukkum avaṉ paricil mel tōḷ
{ciṟu-262} tukil aṇi alkul tuḷaṅku iyal makaḷir
{ciṟu-263} akil uṇa viritta am mel kūntaliṉ
{ciṟu-264} maṇi mayil kalāpam mañcu iṭai parappi
{ciṟu-265} tuṇi maḻai tavaḻum tuyal kaḻai neṭum kōṭṭu
{ciṟu-266} eṟintu urum iṟanta ēṟṟu arum ceṉṉi
{ciṟu-267} kuṟiñci kōmāṉ koy taḷir kaṇṇi
{ciṟu-268} cel icai nilaiiya paṇpiṉ
{ciṟu-269} nalliyakkōṭaṉai nayantaṉir celiṉ ē